Благој Веселинов е роден во Кочани. Тој дипломирал актерска игра на Факултетот за драмски уметности во Скопје, во класата на професорот Владимир Милчин. Веселинов ја започнува својата професионална кариера како актер уште за време на студирањето појавувајќи се во многубројни театарски претстави, филмови и телевизиски проекти. Помеѓу неговите најзначајни проекти спаѓаат: „Разговори во четири очи“, МНТ, во режија на Нина Николиќ, „Кој пукаше во 21-ви”, МКЦ, во режија на Нина Николиќ, „Огнени јазици“, Драмски театар, Скопје, во режија на Слободан Унковски, „Подемот и падот на кабарето“, МНТ, во режија на Владимир Милчин, „Метаморфози“, ФДА, во режија на Александар Поповски, „Неверство“, Културен центар ЦК во режија на Нина Николиќ, „Антигона и Креонт“, во режија на Нела Витошевиќ, Кино Култура - Театар на Навигатор Цветко и други.

Главната улога во филмот „Исцелител“ е негово актерско деби како главен лик во целовечерен филм.

Анастас Тановски е роден во Ресен 1955 год. Студирал на Факултетот за драмски уметности во Скопје и веднаш по неговото дипломирање станува дел од актерската екипа на еден од најпрестижните театри во Македонија – Драмски театар, Скопје.

Од 1980 год. се појавува и во многубројни филмови и телевизиски продукции.